صدام ..!!

الناس تتجاهل وش يصير بشام
ولا ماتدري .. بهلها ويش صاير

لو كان لين اليوم موجود صدام
في سوريا .. مايلمسون الحراير

اعوام مرت خلفها مرت اعوام
والجرح يا صدام ينزف وغاااير

من للثكالى بعد موتك والايتام
من للضعوف اللي تهل العباير

من للعقيده بعد موتك والاسلام
من للعرب بعدك .. يزف البشاير

الواقع اشبه بعد موتك بالاحلام
ماهو على خبرك به اصبح مغاير

من يوم بك مانفذو حكم الاعدام
وحنا .. نعدد كل يوم ، الخساير

ماعاد رفت للعرب بعدك .. اعلام
( دارت بعد موتك علينا الدواير )

اثريك سد من اول بوجه الاخصام
سدن منيع .. بوجه عدوان جاير

وايقنت بعدك بان حظ العدا قام
واسدل بعد موتك علينا الستاير

وشفنا العدى من بعد موتك والاقزام
نحو العرب بجيوشها الزحف ساير

مير الوعد في كل الاحوال قدام ..
وامة محمد .. كل ابوها ذخاير

تريح ابقبرك من الحسره ونام
مليون قايد منك فينا وثااااااااير

مقدام مات يروح ويجيك مقدام
وابطالنا للكسور الامه .. جباير

وتمتعو يا عداء الامه بالاوهام
وتخطيطكم واضح وفاشل وباير

لو طال تعذيب الليالي والايام !
على الوعد ، فينا ماماتت ضماير

ميعادنا مذكور وبروس الاقلام ..
وقبل الكباير ، نقتضي للصغاير