وش جاب صدام

لـ عبدالرحمن ناهي، ، في غير مصنف، آخر تحديث

وش جاب صدام - عبدالرحمن ناهي

متهيبة الشعار من حال صدام /وانا بقول الحق ماني بهايب
الحق سيف ولاعلى الحق لوام / والا العواطف ماتفك النشايب
هات السنين وردها لذيك الاعوام واحكم بنفسك في هذيك المصايب
ضاعت عقول الناس من زيف الاعلام كذب وضلال وباقي العلم خايب
شوف العراق بسبته كيف منضام صبت عليه امن البلاوي كتايب
ينهي احروب ويبتدي حرب واجرام لين اصبحت بغداد كومة خرايب
قالوا فخر لاهل العروبة والاسلام ماجاب للثنتين غير النكايب
نكبة ورى نكبة والايام قدام ندفع فواتيره لعود النصايب
حلم العروبة صار بيدينه اوهام يوم الكويت اضحت بفعله نهايب
كم من شهيد انهى حياته بالاعدام وامسوا عياله بين ذل وغلايب
وكم ارملة تشكي معاناة الايتام كم دمعة سالت على خد شايب
صدام يعني حر والباقي اقزام؟ الله واكبر يامدور الطلايب
جمع العروبة فرقه عدة اقسام واصبح سواد الناس بالغرب ذايب
خير العرب وزع على عمنا سام من سبته ساقت علينا الركايب
ياللي بكى صدام وش جاب صدام غير الدمار وكثرة الشر جايب!
عبدالرحمن الناهي
© 2022 - موقع الشعر