برقا وروقه

لـ شائم الهمزاني، ، في غير مُحدد، آخر تحديث

برقا وروقه - شائم الهمزاني

يا حَرق ؛ حالي من عذابْ ..الدَّهر حَرْقْ
والكبد من غَدْر .. الزِّمَانْ إمْحَروقَه

كيف المطر يمطر..ولا نْشوف له بَرْق ؟!
محرومْ والعالم .. إتْخَايِل بروقَه !

ما كن في جسمي .. ولا نابضٍ عِرْق
أو باقيٍ لو .. قطرةٍ في إعْروقَه

في مظْلمٍ ما نَعْرِف .. الغَربْ والشَّرق
ناسين شَمْسه ..غَرْبَها مع شُرُوقَه

من قبل ما يْقَال.. النَّخَل شَقْ به عِذق
واليوم نَقْر الطَّير ..كلٍ يُذُوقَه

مسجون ، ماهو بالمخازي ولا السرق
بأسباب ؛ هرجٍٍ ما عرفنا ؛ طروقه

وش عاد لوني نِحْتْ.. مع نايحْ الوُرْق
أو صِحْتْ بِصْياحي.. لْبَرقا و رَوقه

ونَخيْت شَمَّر .. والقبايل بلا فَرْق
وابن سعود وكل .. نَفْسٍ شُفُوقَه

والعَين لو هَلَّت .. هَمَاليلها زِرْق
تبي الفَرَجْ رَبْ .. البَرايا يُسُوْقَه

مالي سوى الله .. لا وسيله ولا طُرْق
رجواي له ما شَيْ .. دُونَه يُْعُوقَه

كل الْحَواجز رَحْمِتَه .. تَمْرْقَه مَرْق
من قبل لا يِرْتَد .. طَرْفي إلْمُوقَه

© 2024 - موقع الشعر