وش له اعلمك منت مغيّر ظروفي

وش له اعلمك م انت مغيّر ظروفي
و ماني بملزوم اشرحلك وابررها
 
عن الزعل لا يردك طيب معروفي
على الاقل احشم الصحبه وقدرها
 
أن مرك اسمي بمدح الناس لوصوفي
سوالف الناس لو غثّتْك ... مررها
ㅤㅤㅤㅤㅤㅤ
ملّيت و انا اقول لزلتك ... طوفي
و الزله اللي اطوّفها تكررها !
 
يا كثر ماشالت مْن حمولك كْتوفي
و تزوّد الحمل كن ودك تكسرها
 
إن كان ماودك توقف مع صفوفي
صفوف الاعداء مو لازم تكثّرها
 
لاعاد بالخير تذكر طاري وقوفي
بس لا تذم بفعولي … او تزوّرها
 
وان مر طاريك بحفظ ودّك وأوفي
وامدح فعايلك للعالم ... و اكبرها
 
و ان قالوا الناس فيك، اكثر حلوفي
واستر عذاريبك ان مرّت واصغّرها
 
مابيك بالخير تذكر طيب معروفي
بس السوالف بظهري لا تبهرها