مساجلة بيني وبين الشاعر محمد الجارالله السهلي

لـ حسين القفيلي، ، في غير مُحدد، 162، آخر تحديث

مساجلة بيني وبين الشاعر محمد الجارالله السهلي - حسين القفيلي

ياواثق الخطوه ترى الشك زايل
لا تحسب انها من كبار الخطايا

مادام شد العز ما هو بمايل
الله يعطي جل جزل العطايا

تاتيك من حلوالحلاحيل حايل
عز الشمال وعزوتن للطنايا

ماهي بشغلة ياشعركيف قايل
ولا جمالن تحت سود الغطايا

خضراء عروقن في سموم القوايل
مايتعب المشوار حمر المطايا

الشك زايل وابيض الوجه طايل
ومن طاول اطول منه ينظر لطايا

الرد من الشاعر حسين القفيلي ??
أرحب تراحيب الرجال الصمايل

يام الحلام مداهمين السرايا
أرحب على وقع الوفاء والجمايل

ترحيب من بين الضلوع الحنايا
يامحمد ماني على الناس عايل

وامشي على النيه وبيض النوايا
من شمر وقحطان وعيال وايل

كسبت خوة طيبين السجايا
من غير نقص ٍ في عموم القبايل

شرق وغرب وفي جميع البرايا
أطاول سهيل ٍ بحرف المثايل

ولا خضعت إللا لجزل العطايا
والحمل حنا له جمال العدايل

إذا قسى وقتي بشين السوايا
قافك عزمني ياعريب السلايل

عطشان والهاجس يبيح الخفايا
لكن على الجمه بصفراء الأصايل

نارد ونرويها كبود ٍ ضمايا
© 2024 - موقع الشعر