جروح الوقت

انا البارحه فكري سرى هاجسه مابات
وسير على / سر (ن) من اعوام خبيته

وسجيت بالهاجوس وتعالت الأصوات
على النافيات اللي بها الشوق سميته

الا يازمان فات / لكن هنا ما فات
مواريه / في نبض الشرايين / لاقيته

اداري جروح الوقت وانادم الآهأت
واجر اللحون وبارق الوسم ناديته

واتمتم على مركاي /والشاردة / تقتات
على موقف نقشه / في الروح شليته

وأضم / الحنايا / وأتنهد / ألم بسكات
وتزفر جروحي غصب ياجوف ضميته

ونبضي / ليامنه دفق عبرته / ونات
فمرات / أهديها ومرات / واسيته

تراتيلها تسري على واهجه حسرات
وانا الي عن العذال بالجوف داريته

عسى ليلة البارحة ويامرها مرات
تحافظ على مكنون /لسنين خبيته