كواكب الشرهات

يانور عيني ، يابعد روح ~ مغليك
كواكب الشرهات ، تملا / مدارك!

حيرتني ويش السبب قول وش فيك
ذبحتني / وأشعلت بالقلب ~ نارك !

معقول ! ماتدري عن الي يحاكيك
قلبه على طول الزمن ~ بإنتظارك

مشاعري ، في كل ليله ~ تناديك
يالي خذيت الروح ، مِعك بمسارك

أفز / لو جابو لي الناس ، طاريك
والحلم ، في كل التواقيت ~ زآرك

أتعبت طرّاد الهوى في ، مسآريك
ضآع وغدآ من قبل ، يبدي نهارك

واليوم / لا بِالله ، عرفنا ~ حراويك
وأرويت عِرق الشوق في إنتشارك

مثل الدوآ قربك ، وانا دوم شاريك
وبُعدك عذابي / كان هذا اختيارك

أبيك لكن ، لو تغلّيت ~ ما أبيك !
وإن رحت ، لاتطلب برد إعتبارك

خلك قريب ، وياعسى الله يهديك
ولا تبتعد ، خلّك هنا ~ في ديارك

لو غبت عنّي ، يمكن أزعل وأجافيك
وأصد / ما أسمعك وقت ، إعتذارك

وإن جيتني ، يامرحبا في خطاويك
وفي كل خطوه منك ، قلبي / تِبآرك

وإعرف تراني ، م أقدر بيوم أخليك
لنّك سكنت القلب ، والدآر ~ دارك !

#أسعد_السحيمي