حبا جديدا؟

حباً جديداً؟ جعل ربي يهنيك
مطلب لقلبك ثم اصبح هديه

مبروك.وآمل ان تحقق امانيك
وتعيش دنيا كلها اريحيه

الله يسدد مطلبك مع مساعيك
وهديتك حافظ عليها شويه

افراح خل ايامك ومعها لياليك
حاول تخلي فرحتك سرمديه

هذي حياتك وانت ادرى بما فيك
مافيه لايم ولا بيها خطيه

حريتك تختار منهو يخاويك
واسرار وفيها لك اموراً خفيه

ومع كل هذا صار واخترت غاليك
وهذا توقع مهو صعباً عليه

شعرت باللي صار واللي ترى بيك
حسيت به من غير ماقيل ليه

انا مقدر مطلبك كان يرضيك
حقك ولا ليا عليك الوصيه

وحقك ترى تنسى سويعات ماضيك
متمثله بيا وترى منتهيه

مبروك وهذا كل ماعندنا ليك
كلمة وداع وشكر ثم التحيه

واليوم ماينفع تجيني ولا اجيك
احروفنا ذابت ولا لها بقيه

بس انني عاتب قبل قول ناسيك
ناسيك انا ولا اعتبرها شكيه

شيئاً مضى واظن ماكان خافيك
مااظن ماتدري باني ضحيه

بيا تراك اخطيت!ربي يعافيك
متجاهلاً شيئاً ترى صار بيه

لو تسال اهلك او تسال محاميك
لقال لك هذي جريمه قويه

وانسى وانا انسى يوم هذي هقاويك
المشكله ماظنها عالميه

عواد الهران