توالت جروحك

جرحاً وجرحاً ثم زادت جر وحي
جرحتني يومن انا قلت حياك

وجرحاً بقلبي ثم جرحاً بروحي
وتوالت جروحك ولا قلت يكفاك

في عالمك مامن امل لي يلوحي
احساس: ماهو قول ولا سمعناك

بعض الامل يبرق وعقبه يروحي
كنه سراباً وانت تقول لي هاك

لدقات قلبي ماعتقدتك بتوحي
وكني انا لاشيء في بعض دنياك

شعرت انك طير وعني نزوحي
وشعرت انك قلت:لو ماعرفناك

ومع كل هذا كنت معك السموحي
ولا شكيت اللي حصل من سواياك

ماعاتبك ولا بطبعي لحوحي
حريتك هذا سلوكك ومبداك

عرفت مابقلبك ولازم تبوحي
مافيه داعي تحفظه في خفاياك

مابغى اسبب لك هموماً ونوحي
ومابغى تقول بيوم خلاص مابغاك

ومابغى تقول الغدر ريحه يفوحي
ومابغى تقول الله لايجيب طرياك

كنت الصدوق ولا ازال النصوحي
وكنت الصريح بكل ماقلت واياك

عواد الهران