شافي جروحك من عنا الحب ناداك - شافي القريشي

يافرحة سنين العمر كيف ماأهواك
وأنتي هوى قلبي وروحي وعيني

تدرين أحبك حيل واعشق مزاياك
وتدرين لاغبتي همومي تجيني

خاوتني الأحزان من عقب فرقاك
والروح تشكي لاتزايد حنيني

أنا هنا عايش لحبك وذكراك
ما غير أقلّب صورتك في يديني

غلاك وسط القلب والروح تفداك
واللي ذبحني ، خابر إنّك تبيني

حلفت ماأبعد عنك أو إني انساك
وإن الوصل يزداد بينك وبيني

شوقي لك أكبر من مدارات الأفلاك
وليلة لقاك أغلى ليالي سنيني

(شافي جروحك) من عنا الحب ناداك
ياللي على درب الفراق اتحديني

جيتك وأنا هايم من الشوق لرضاك
ومع كل هذا تقول / {مامتّ فيني} ..؟

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر