الله هو الهادي

الله هو الهادي وياجعلي افديك
ماهو بغلا ولا بقولة شريتك

هدايه الله ماهي بقول بعطيك
ان ماهدى الله لاتقل لي هديتك

وشلون وباى اسم تبغى اناديك
وشلون بعت العمر وقايل هويتك

وشلون فز القلب وفرح معاديك
وكيف التمادي وكيف كلمة سليتك

وشلون يكبر حب من غير تحريك
وشلون من مجهول قلت بكيتك

ماجف وادي العاطفه من محاكيك
وماني بجاحد ياهوايا فديتك

صمتي بلاغه ماهو بالقتل ياذيك
ومن اجل صمتي قايله لي رثيتك

كنك قمر ياحظ من كان شاريك
وياحظ من يسمع تقولين جيتك

عواد الهران