البيت عقب الزين

البيت عقب الزين تلعب به أشباح
خراب ثم ان صاحبه عود ذاوي
 
روحتك ماهي بخاطرك ولا سواح
ولابقلبك كنت للبعد ناوي
 
لكن قدر و ارجو ان الهم ينزاح
ويزول جرحاً كان بالقلب كاوي
 
مالذ لي نوماً ولاني بمرتاح
ياعيشتي من عقبكم وش تساوي
 
يازين سر اًعقب روحتك لي باح
حتى بوسط الناس كني خلاوي
 
حيثك امل للقلب نوراً ومصباح
وانتِ قصيدة حب كله وفاوي
 
وانت حياتي وراس مالي والارباح
وانت دوايا من جميع البلاوي
 
يابو مبيسم والشهد لي به لاح
وعيون ترمي عاشقاً له هقاوي
 
الشعر ليل وخد نوراً ايلاضاح
انا اعرفه ماهو من قول راوي
 
يالله يالي منشي الكون وأرواح
ياللي على اللي كل خلقت قاوي
 
يعود لي المجمول وايامه افراح
ويشع في دنياي بدراً وضاوي
 
عواد الهران