مافيه داعي في سؤالك عن الحال
وماظنتي قصدك تطمن عليه
حقيقتك بانت بلا شك وجدال
وماعاد باقي من اموراً خفيه
ياحيف ماكانت ولا هي على البال
انك تعيش الحال بالفين نيه
صدق حكيماً ناصحاً يوم هو قال
الناس مختلفين والصور حيه
الناس مختلفين جيلاً وراء اجيال
من عهد ادم والطرق مرحليه
والناس مختلفين وزناً ومكيال
والكل له موروث مع مرجعيه
والناس مختلفين بالوان واشكال
مع اختلاف عقولهم والهويه
راجعت نفسي وقلت يكفيني اهبال
العقل كنه ضاع هو والرويه
مع من انا بجالهم صابني اهمال
والصد اخذ مكانة المرحميه
وش فايدة يومن ماني ينزال
ولا شفت انا ليناً ولا قابليه
خلاص يكفيني سفر ثم ترحال
وما عاد تنفع روحة(ن) ثم جيه
والامس يطوى وكل مافيه قد زال
لو هو كلاماً حلو مع شاعريه
وانسى هموماً بالحشاء كنها اجبال
واعيش دنيايا مع الاكثريه
واعيش حالاتي واجدول لها اعمال
واقول للمقسوم:اجمل هديه
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.