البنك افلس

دنياك صارت كلها اسرار باسرار
ودروبها ياحول والله عسيره

يابنت والله يوم قلبي لك اختار
حسيت انك من احب استشيره

كنتِ رفيقة درب قلبي والافكار
وكنتِ من اللي اقول عنها عشيره

كنتِ الهامي في حديثي والاشعار
وكنتِ القمراء ولحياتي تنيره

كم قلت باسمك والتمس لك الاعذار
يوم الشكوك بخاطري تستثيره

واليوم حالي موجز لكامل اخبار
يالله تجعل كل ماصار خيره

اصبح رصيدي العاطفي عندك صفار
البنك افلس مالقى من يديره

ومخزون قلبك مالنا بيه اثار
رغم انها كانت معالم كثيره

مخزون عقلك انت من قال لي طا ر
لاعاد منطق ولاحتى بصيره

وتجمدت ذكراي عندك بلا اسعار
بدون وقفه .لو ثواني قصيره

اسمي وتوقيعي..وتعهد مع اقرار
وداع.ودنيا الوهم هذا مصيره

عواد الهران