مدير البنك - سلطان بن دحيم العطاوي

يا صاحبي شرهة زويد على زيد
وشرهة عميل البنك على مديره

ما هيب لحيه ليله العيد والعيد
ليله قصير ولا تفيد السريره

اما تقربني وانا ماني بعيد
والا تبعدني وانا اقول خيره

هاذي ثلاث سنين يا متعب الغيد
جيران وانته جيرتك غير جيره

مره تمنيني بكثر التناهيد
عليّ . وتقول الليالي قصيره

ومره توردني على الموت توريد
مدري شوير الموت ولا خشيره

قيدتني بأسلوبك العذب تقييد
غير النقا والزين غيره وغيره

الله عليك اتعبتني يا اتلع الجيد
راحت عيوني من سهرها ضريره

متى على الله نلتقي ليلة العيد
لو يفلس البنك الكبير بمديره

© 2023 - موقع الشعر