امصعب ان دورت من هو تخاويه
ويامصعب ان دورت من تستشيره
حيث ان بعض الناس ضاعت معانيه
بعض النفوس اليوم صارت اسيره
الصدق ضاع ومابقى من تواليه
وضاعت ملامح نعتبرها كبيره
والكذب ماهو بعيب لصرت تبديه
وبدا النفاق اللي كثيراً نصيره
والود ضاع وضاع بريق صافيه
مثل الورود ان ضاع منها عبيره
حتى الوفاء قالوا: خضوعاً وراعيه
ينقال له درويش ماله بصيره
اما الصله ياحيف واللي انا اعنيه
صارت تواصل لاجل تحسين سيره
حراج سوقاً او مصالح اسميه
الكل يركض..ناسياً وش مصيره
ماهو بتعميماً ولا اقول مافيه
اكيد بين الناس نفوساً جديره
يالله ترحم كل منا وتشفيه
ويالله سترك..وجعل بالامر خيره
واحد احد بكل لحظه اناديه
فردوسك الاعلى عسى لي ديره
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.