ضاع السلام

ضاع السلام.ومرحبا.وقولة اهلين
وذاب الكلام بكامله واختصاره
 
والصمت ساد ولحظة(ن)كنها اسنين
لحظه يقول القلب فيها اختياره
 
ساعة تحدي..وللتحدي تفانين
وداع يومن اتخذنا قراره
 
معزوفتك ضمت جميع المظامين
ولابد للمنطق يعود لوقاره
 
من جالكم ماشفت انا طابع اللين
جرحتني وانت تحسبها شطاره
 
ما انصفتني..ماكان لي عندك تثمين
ماعاد ليا في وجودك صداره
 
طريقنا تفرعت في مسارين
ماتلتقي متوازيه في مساره
 
ظنيت قلبي معك ومامن براهين
احساس بيني وبينك مابه حراره
 
دربي معك بالوصف سكة مجانين
لاهي.وانا لاجلك اعيش المراره
 
طلبت ود ونزرعه بين قلبين
وضاع الامل يومن طال انتظاره
 
وانا اشهد انك ماتعرف القوانين
ولا تعيش بواقعاً به حضاره
 
الحب فطره ماهو للناس تكوين
غريزة(ن) ولكل حياً اسراره
 
والحب روح الجسم .لو بيه تدرين
وجسماً بليا روح ماله عباره
 
حقيقته ماهي شكوكاً وتخمين
حقيقه واقع وكله اثاره
 
تزورني من عقب ماقلت ياسين
متاخراً .في جيتك والرياره
 
وشلون تسال عن جديد العناوين
قلب انجرح وانت السبب في دماره
 
اصرف نظرعن كل ماقلت يازين
هذي مشاعرماهي عرض وتجاره
 
عواد الهران