ضاع مني الكلام - حمد المخيال

مدري وش اللي جرى لي يوم تلمس أيديني
غصب عني سكت وضاع مني الكلام

ضعت مدري حبيبي وينك أنتا وويني
يوم تلمس ايديني أنكسر بنهزام

ما تحس فيني ارجف وانتفض من حنيني
حتى دقات قلبي ما تدق بنتظام

من جمالك حبيبي انكسر ضو عيني
يوم شفتك حياتي ما قويت السلام

ادري بحساس قلبك وادري انك تبيني
بان شوقك بعينك وتضحلي الغرام

صدق إني بلمك واحضنك يا ظنيني
بس خايف عذولي يجرحك بالملام

كنت ارتب كلامي قبل ما أنتا تجيني
ولما شفتك تصدق ضاع مني الكلام

© 2024 - موقع الشعر