توك صغير السن

يابنت والله كن قلبي لك ارتاح
اشوف هرجك يستحق الاشاده
 
الصدق كنه ورد من شفتك لاح
وصراحتك فطره وطبعاً وعاده
 
يازينها عاده ولاني بمداح
هدية الله ثم للرب راده
 
شفتك على شط البحرمانت سباح
ماخذت تدريباً ولامن شهاده
 
هذا بحر لنه طغى صار ذباح
وذبح البحر يابنت بليا هواده
 
دروبه صعيبه بيه مجهول واشباح
مثل دخول السوق وكامل مزاده
 
توك صغير السن مازلت سواح
عالمك سكر.والحلا به زياده
 
مازلت في دنيا مليه بالافراح
عالم حقيقي ممتلي بالسعاده
 
بدري على شيلك حمولاً من جراح
وبدري عليك الهمس ويا الوساده
 
حياه كم فيها من افراح واتراح
ضحكات وكم تصبح دموع ارتداده
 
فيها المشاعر والحقايق هي سلاح
يامرحله فيها فنون القياده
 
وفيها احلاماً بين خسران وارباح
والكل ياخذ مازرع من حصاده
 
عالم ويامى فيه مجرم وسفاح
خلك بعيداً عن حروب الاباده
 
تبي مراجع ثم خبرات نصاح
وعقلاً وقلباً ماسكين السياده
 
ومع كل هذا اعتقد يكفي افصاح
حيث ان وصفك جاهزاً لاعتماده
 
طالب لك التوفيق والخير واصلاح
ويكفيك شر اللي صعيباً عناده
 
وهني قلباً لاتنهد ولا صاح
ولا شاف في دنياه حال القراده
 
لاسال من جانا ولا قال من راح
حاله بحاله..مايريد النكاده
 
(صعبه الوحده)بس انا معك مزاح
"من عاش من حاله يبين كساده"
 
عواد الهران