انا صغير السن وعلومي علوم - فهد بن دعيرم

زدلي ليالي اونس بخاطري لوم
وودي ولاودي عليه اتشره

ياقوم يابعض المواقيف ياقوم
تودع بصدر الحر الفين حره

سلعة هواء ماتقبيل البيع والسوم
ننظر حلاه وفالنا منه مره

انا صغير السن وعلومي علوم
مريت بحر الحب واوحيت دره

ماني نبي عن دورة الوقت معصوم
وعجزت عن طرد الهواء لاتبره

السالفه ماهي هواجيس وحلوم
ولاهي على مر الدهر جات مره

عشره على عشره ويومن على يوم
واكرها كره على الف كره

طير الهواء عقب الضحى يدرج الحوم
وراع الدعو ابطى عليه يتحره

ماهو لنا مع راهي الوقت مقسوم
لاشفت خير ولاكفى الله شره

© 2024 - موقع الشعر