نستحي ونقدر اللاش

نستحي ونقدر اللاش من قدر الكفو
وان تغاضى عنه لا أخطاء . ولا نشره عليه

العفو .. من شيمة أهل المكارم لاعفو
من سمات أهل المواجيب سمحين الوجيه

وأن جفونا .. اللي جفونا فلا كنهم جفو
واحدٍ ينسى الجمايل . مانيب انظر إليه

نرتفع بنفوسنا .. لا لقينا اللي هفو
والصبر لو كان بالمال .. قمنا نشترية

صافي النية . مشى له مع ناس صفو
ما تغيره اليالي ... ولا تقصر يديه

الرجال أهل النواميس . بانو ماخفو
فعلهم بيّن . ولا له على الدنيا شبّيه

مانقصهم من تكلم ... ولا ناس قفو
ولا يلدّون النظر ... للمكابر والسفيه

وان لفاهم طيّب . الساس قامو واحتفو
كل منهم فعل يمناه .. قدمه يحتريه

فعلهم مثل ابلج الصبح . وان قالوا وفو
الرجل منهم ... لاما قال قولٍ . يحتميه

هذي أفعال الكفو . لاجهلتوا بالكفو
يحسب حساب المواقف . وهرجٍ يقتفيه

سعيد بن فالح المهداني