الفكر المحنّك

يا هل الفكر المحنّك هل الشعر الجزيل
من هو اللي يرسل ابيات شعره منفعه

نطلب العلم المحنّك على صد الخليل
جبت له قلبي هديه وعيا يقنعه

والله انه لو طلبني على الوزن الثقيل
سقت له سيلً تلاطم هدر من مطلعه

مشكله لا خانك الحظ خلاك العليل
في حبيبً ما نسيته و حرفك يتبعه

كني اللي واقفً وسط نيران و فتيل
كل ما حصّل طريقً حظوظه تخدعه

ما هقيت إن الهوى يشّبه السيف الصقيل
إن نزل راسي نزل وإن رفعته يقطعه

ردو العلم المحنّك قبل م اصبح قتيل
والله إن الريق فيني فلا اقدر ابلعه