بنات الفكر

القمرغاب والداجي مصابيحه على ماسدل وارخى زهنّه
يوم بانن لك الله قلت ياعيني ويارجلي الطرقه طويله

ثم خدي على كفي تمركى وارتفع حاجبي باللي شعنّه
طاب ليل السهر والاشقى لكن بدا يابدر ياوي ليله

يابنات الفكر لبّن ندا اللي يوم نادى هواجيسه حدنّه
مثل ماللفرح داعي يجي للحزن ياكم ترى داعي يجيله

ليلي اللي سرابه من سرابه قبل ماقول لي ليلٍ سرنّه
نادرات الفرايد ياهجوسي مايجيبن لنادبهن هزيله

قالها واثق الخطوه يامن تلبس ثياب النديم اللي تكنّه
قدم عيني تجلاّ لوتحلاّ بالصفات الحميده والجزيله

ماانت جاهل ولاتجهل علي أدري تخارج وعذرك تحسب انّه
مارلاتحسب ان الصمت مني عجز لاوالله الابه فضيله

تدري إني ورى اللي شذوالشذان مااتعب ركابي يسبرنّه
اقفل الباب بالمفتاح والمزلاج لايلمس الزند الفتيله

مالنابالنشب واللي قضب وقت الغضب نفسه ارتاح وعدنّه
عن مشاريه من همّه يدوّر زلتي علهاتبري غليله

مارياحاسدي وإن قاله الله دام بدرالمزيني ماطونّه
جردالايام في بطن الذلول إرتاح مالك على ذمّه وسيله