ودك على فرقاه تذبح ذبيحه

لا تبخل بيمناك يا شفت محتاج
انصح اليا شفته بحاجة نصيحه

والنصح قدام الاوادم به احراج
اعلان مضمون النصيحه فضيحه

من غير رب الكون لاترجي افراج
واللي حَسَدْك اطلب من الله يبيحه

ثنتين ما ينفع بهن طب وعلاج
دبرة قليل العرف ويمنىً شحيحه

بعض البشر في جيّته فلّة حجاج
وجهٍ مثل شروا الوجيه الفليحه

وبعض البشر ياجاك سببّ لك ازعاج
ودّك على فرقاه تذبح ذبيحه

ما تلام لو بدّلت رفحا بالافلاج
وغيرت عنوانك ورقم الشريحه