سلام الله على جمعٍ حضر يسعد مساه بخير
على جمعٍ حضر حب و وفا والوحدة شعاره
نعم حب ووفاء عهد وولاء فقط لأغير
لدينه ثم مليكه والوطن ورموز اماره
لنا في حفلة ظهور السواني رمز لتقدير
من رجال البقوم إلي وفاهم صدق معياره
وأنا لي الشرف في وقفتي هذي للتعبير
اعبر عن شعور أهل تربه بشعور فواره
شعورٍباالفخرهاظة وفاحت فوح جم ألبير
على عين الرواء والناس وراده و صدارة
أترجمها حروفٍ من ذهب ما غش با القصدير
قصيده والقصيدة للمشا عر اصدق عباره
بعد شفة التكاتف والجهود مسخره تسخير
من ظهورالسواني والهدف يصعب تصواره
ترى التكريم واجب لو فقط كلمة شكر تذكير
وكلٍ في مجاله رمز يلزمنا تشكا ره
تمنيته يصير وصارما كنت اتمنى يصير
وأنا عندي لبو مقرن بعد بشرني بشاره
بوادر منتدى ظهور السواني صار له تاثير
يغذي ساحة الاعلام با اعلامه واشعاره
وكتابه لتاريخ القبيلة سطر و تسطير
ياصبيان البقوم اللي غرس غرسٍ جنى اثماره
تحيه للجميع مطرزه ومكرره تكرير
لبومقرن ومن قا مو معه بجهود جبا ره
يصور واقع الشعب السعودي كلهم تصوير
ونعم المجتمع قدوة صغاره وحدة كباره
تعبرعن محبه صادقه فيها الوصوف اتحير
على عهد الملك عبدالعزيز ونخوة انصاره
بعد حرر قلوبٍ كان يحكمها الجهل تحرير
وصار العلم نورٍ فالجزيره تكشف انواره
قواعده الحكم بآيات قرآن و فقه تفسير
بشرع الله وسنة من هداه الله واختاره
رسول الله محمد الامين الصادق النذير
بعثه الله منقذ من ظلال الجهل واشراره
على هديه حكم عبد العزيز وحارب التنصير
وأسسها بسيف الحق وأخضع روس زماره
بطل مسلم خضع له روزفلد وقوم شكسبير
على بنت الحصان وهيبته مدفع و طياره
يقف شامخ ولا يخضع ولا يهتز للتحذير
على روزفلد رد اعنف ردود وحط مقداره
رحمك الله يا هك البطل سيست للتعمير
وسلمت الأمانة ممنه با الله ومجاره
رحل صقر الجزيره واستمر الامن والتطوير
عيال الحر مثل الحرفي نهجه وافكاره
تطور كل عام يفوق ما قبله وخطة سير
لأن ملوكها آل سعود وكر الحر و احراره
وحنا شعبها اللي ما يعرف الذل والتهجير
عيال اللي مع معزي عيال المجد واسطاره
وفانا من محبتنا رسى مرسى حضن والنير
من الجدان وإلى الآن ساس العز وجداره
وفانا من وفا حكام ترفض مبداء التنفير
يترجمها لنا صقر العرب في جلسة اخباره
ملكنا اللي ملكنا با الوفاء والعدل والتبشير
بشير الخير للأمة بداية خير مشواره
ملكنا اللي عطاء قدر العرب من هيبته تقدير
وكلٍ قام يحسب للعرب ويقصر ا شباره
مساعي خير ما يسعى لزرع الشر والتدمير
ابومتعب حليم ولاغضب يحرق لهب ناره
على يمناه ويساره حرارٍ فاللزوم تغير
سيوفٍ في يدينه للرقاب العوج بتاره
يحقلها مشاعر خاطري تخجل من التقصير
ملوكٍ حبهم غرسٍ قلوب الشعب جماره
حقيقة واقعٍٍ حاضر مهيب مبالغة تزوير
سعوديين محسودين والحسا د منهاره
وأنا شاعر من ظهور السواني ما اقبل التعثير
ادورللجزاله منسمان الهرج وخياره
عسى ربي يوفقنا جميع ونطلب التيسير
لمن ساهم بجهده أو بماله أو بمحضاره
وانأ لي الشرف في وقفتي هاذي للتعبير
بسم سمو البقوم اللي وفاهم صدق معياره
الشاعر/
زبار بن بجاد بن مجول البقمي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر