يا هجوسي طرف الليل والمسرى طويـل - زبار بجاد البقمي

هذه القصيدة اٍهداء مني اٍلى الاخ / عائض بن حمدان الرحماني وهو يستاهلها ابوحمود .
يا هجوسي طرف الليل والمسرى طويل

والمشاعر تنتظر منك كالعاده حضور
المشاعر حس واحساس وشعورٍ نبيل

والهجوس تحضر الشعر واترجم شعور
وانت دايم عند ظني مساء ولا مقيل

لا نهمتك جيت باللامعات من البحور
لين اقوم اختار وانظم من الجزل الجزيل

الفرايد تشرح صدور وتضيق صدور
تعجب الطيب من الناس وتغل الغليل

الغليل الحاسد الفاقد العرف معسور
فالرجال حليل ونذيل والطيب زحيل

والزحول من الرجاجيل عمدان الجسور
فيهم ضعيف مخاريج ويسمى حليل

لا يجيب ولا يودي ولا له أي دور
والضعيف الثاني الحاقد النجس النذيل

خير ما من خير مفتاح بيبان الشرور
ينتفخ ويغش والغش في دمه يسيل

وان مدحت الطيب يضيق مقصور الشبور
شايفٍٍ نفسه وليده وهو ضايع دليل

وده ان كل المخاليق غيره في ثبور
وفيهم اللي شغلته بين قال وبين قيل

مهنته زرع المشاكل وتدمير السرور
يشتغل لحساب ناس عسلهم حنظليل

خاتمتهم تنتهي عند تقطيع الجزور
مكثر اصحاب المصالح ونضاح الصميل

صحبةٍ ساعات وايام وان طالت شهور
جعلهم والله فداء لي وقف وقفات اصيل

الرفيق الصاحب الوافي بكل الامور
طيب ساسه وراسه ويفداه البخيل

الكرم عنده غريزه ما هو رياء وزور
ما تغير مثل غيره لا جاء معهم حصيل

حافظٍ عهد الصداقة رفيقٍ ما يبور
ذاك ابو حمدان عائض ما وفيه الجميل

لو اسجل لي دواوين واسطر سطور
الرفيق اللي مثل رفقته ما القى مثيل

رفقة من قلب دامت عقود من الدهور
رفقه وحميه على عز بثبات ودليل

والله يعزك يا جدرٍ على العز معمور
كرفيق وكصديقٍ عزيز وكزميل

تسعه وعشرين عام لا زلة لا قصور
كلها حشمة وتقدير في حل ورحيل

والفعول اثبات الاقوال والدنيا تدور
والوفاء طبعٍ لبو حمود جعله ما يزيل

كلمته وحده ولا غرته دنيا الغرور
والجميله ما تبعها بمن هذا القبيل

منّه ومقصد واهانة وحيلات معثور
نفعته من قلب وافي وصافي سلسبيل

في زمان قلوا اصحابها وصارت ندور
الزمان اسرار والسر ما هو مستحيل

تكشف اسرار الليالي تواريخ العصور
تكشف اسرار خطيرات ومخطط رزيل

وان تبينت الحقيقه نفد صبر الصبور
والرفاقه ود والود يبغى له ذبيل

والذبيل يبين لا قامت الدله تفور
واعترافن بالجميله وتفضيل الفضيل

فضل من ربي عليه وانا فيها فخور
© 2024 - موقع الشعر