آه من لاهبٍ ناره بجوفي تلظّى

آه من لاهبٍ ناره بجوفي تلظّى
فيه الاظلاع تحطبله ومنها يلاظي
 
ودي عن كل خلق الله اصد واتفضّى
وان عرضلي سفيهٍ قلت ماني بفاضي
 
من وليف ان لمست ايده لزوم اتوضّى
ماهو ليّه حلال ولا عليه اعتراضي
 
غطّى حبّه اعيوبه لين قمت اتغضّى
وكل عاشق لابد انه يعرف التغاضي
 
وكل ماجيت سوقٍ ودي فيه اتقضّى
سجتي به تنسيني جميع المقاضي
 
لكن الوقت غرّر به ومعه يتقضّى
غاب عني وعوّد لي ولاني براضي
 
يحسب اني على المقفين رجلي تمضّى
والمقفي على وجهه بسبع الاراضي