شبيه الريم - مريم الشحي

ياشبيه الريم المفلي
لي ذبحني فبسمة شفاته
لو بغيرج جيت متسلي
وياج قلبي مصفي نياته
مابقلبي لغيرج محلي
وانتي راح القلب وحياته
انتي عندي الكل بالكلي
يادوى الفواد وراحاته
لا زعلتي دمعي يهلي
قلبي يفقد كل ملذاته
ولا لمحتج خافقي يهلي
لي يطيب الجو واوقاته
وبقناعه اقول من مثلي
مثل واحد واثق بذاته
يازهر يا ريحة الفلي
ياشفا قلبي وعلاته
عنج قلبي ماهو متخلي
لو يقطع كل علاقاته
اوعدج بتوب واصلي
وبدعي يجمعنا بجناته
© 2024 - موقع الشعر