امرجبا ترحيباَ اصفى من هماليل الغمام - جندب المالكي

سلام ياديرة
سلام ياديرة كرام وناسها ربعاً كرام

ناساً على القالة ربت عاداتها وافعالها
تاريخها مجد وكرم سكانها ناساً حشام

اهل الشيم. فوق القمم. مقرها ومنزالها
الاصل حرب وهم رجال الحرب اذا اشتد الخصام

الارض تشكي بأسهم. سهولها وجبالها
نعم القبيلة والنسب نعم الرجال اهل الحزام

قبيلة البشران منهم والنعم برجالها
نعماً بشيخ ٍسادها درعٍ حصين ولايضام

الشيخ ساري بن عطية والمراجل نالها
ونعم بجندب لا وصلته تلتقي رجلاً همام

هيبة وجاه و كلمته كلمة رجل لاقالها
سلام له مني ومن بعد السلام الاحترام

نعم الخوي لشتد خطْبْ اعتى الشدايد شالها
يفديك الى منك نخيته قلت تكفى يالهمام

الروح لك منّه فدا والمكربة حمّالها
مهما كتبت من الحروف ومانقلته من كلام

تبقى حروفي عاجزة توفي الرجال افعالها
العز ناموس الرجال والمجد له ناساً كرام

هذي هي ابيات القصيد اللي محمد قالها
واختم كلامي بالصلاة على محمد والسلام

خير الورى وشفيعنا لازلزت زلزلاها
محمد العاصمي المالكي

::::::::::::::::
يامرحبا

يامرجبا ترحيباَ اصفى من هماليل الغمام
ومن الينابيع العذاب اليا انتحى شلالها

واهلا هلا تعداد من طاوفوا على البيت الحرام
واعداد ما تمضي الليال وعد مبدا اهلالها

واهلا هلا ما غرد القمري وما ناح الحمام
واعداد ما غنت على اغصون الشجر موالها

بالشاعر اللي جاء بمنطوقاً يثير الاهتمام
اللي قدح زند القريحة واستثار امثالها

محمد اللي يحتصى به للمهمات الجسام
ابن القروم اللي تقدم للضيوف ادلالها

اهل الوفاء والطيب واهل المعركة واهل السلام
اللي على العدوان شنت حربها وقتالها

دعوى بني عاصم هل الفزعة مصابيح الظلام
اللابة اللي تمن الخايف ومن يلجالها

يروسها شيخين والاثنين اهل صيت ومقام
من خيرة اشيوخ العرب في دقها وجلالها

الشيخ ابن ناصر عريب اجدود واخوال وعمام
شيخاً يعدونه من اقروم العرب وابطالها

والنادر الونعم رشيد العاصمي شيخ المهام
شيخاً يقدم للحمول اخفافها واثقالها

وانتم بني عاصم هل الصولة لياثار العسام
امن اوال الدنيا وعبر ايامها وليالها

وانتم شغاميم الرجال اللي مواقفهم تمام
امواقفاً تشهد لكم في شمسها وضلالها

واقبل تحياتي وتقديري وذا مسك الختام
يا وافياً كل العلوم الغانمة يسعى لها

جندب المالكي
© 2024 - موقع الشعر