لشهرة الوقت

يابنت ياللي لشهرة الوقت تسعين
لاتأتي الشهره على حساب غيرك

‎قبلك كتبت الشعر من قبل تبدين
كلٍ بملتاعه عرف قبل سيرك

‎واليوم جاني ساعي الاخبار بالشين
يومٍ تحت برقا سمانا حريرك

‎يقول انا محتار مابين ثنتين
وشلون ابعرف بالنهايه مصيرك

‎من تدعي تكتب تحت اسمك الزين
طوت عنان السير يومه سفيرك

‎صرتي مثل قصة سنا البرق من حين
الكل يسابق بالزمن لو يضيرك

‎تكفين يابنت الرجاجيل تكفين
لاترفعين البيض الانجم نضيرك

‎مكثر من الاسماء من دون تشرين
تخيري ماهو يليق لعبيرك

‎أبدي لمجد كفاح منتي تمنين
تميزي بانهار تصقل غديرك

‎قدمت طيب النصح من صافي البين
عني اقصري ينبوع شرك وخيرك

احذرك يابنت عني تنحين
عودي لحساب النفس واحيي ضميرك

شعر/الملتاعة