لاضاق صدرك ياهوى البال ضقنا
وان ضاقتك دنياك ياشوق انا لك
هذا الزمن طبعه من الله خلقنا
لابد مايخذلك مهما صفا لك
لايزعجك ما صار غيرك سبقنا
مافي يدي دبره ولو ضاق بالك
يا ما من الاقدار والمر ذقنا
ما ودي ان الهم يدخل مجالك
لحظة زعل منك تلخبط ورقنا
تضيق بي دنياي لاشان حالك
عمر الزمن لو ما انتبهنا سرقنا
تمضي بنا الايام لا لي ولا لك
في حلوها في مرها ماوثقنا
لو هي تضحك لك وتبدي دلالك
انته وانا في اللي جمعنا صدقنا
اضحك وانا بضحك وكل الغلا لك
الحمد لله في غلانا اتفقنا
قلبي وعمري لك وروحي حلالك
اطلب كريما من خيوره غرقنا
يطول لي عمرك ويمهل حبالك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.