انت غيمة

لـ ريم الصحراء، ، في غير مُحدد

انت غيمة - ريم الصحراء

أنت غيمه ترزم كلها لي مطر
وانت نور الليالي لا بدا لي ظلام

وانت شمعة حياتي يا خوي القمر
وانت للروح عندي شفها والمرام

جعل عمرك طويل وجعل دربك خضر
دامك انته بعمري ماهقيته يضام

انت بلسم جروحي وانت بسمة قدر
كبر حبك بقلبي ما يبي له كلام

ليت حبك بروحي من قديم العمر
ليت عرفك وشوفك من سنين قدام

ودي انك حبيبي وان حبك ظهر
قبل اعرف المحبه والهوى والهيام

ليتك أول غرامي من جميع البشر
هايمه بك الحالك وانت بي مستهام

بس رغم التأخر شف غلاك استقر
بين سود الحنايا مثل دق الوشام

ياعشيرا ملكني في الخفا والجهر
لك طريقه عجيبه في الحكي والسلام

حبك الي بقلبي ما يزيله دهر
راسيا ومترسي مستديما ودام

كل بيبان قلبي لك تهجج فخر
وكل عرقا بجسمي لك تدفق غرام

© 2024 - موقع الشعر