أنا ماني هدى أو نوف .. ولا نورة ولا وجدان
أنا أكبر من الرفقة الرخيصة يا عشيق الغْيِد
أنا ريم الهوى الطاهر .. أنا ريم النقا الفتّان ..
وجودي وسْطهم كذبة .. ولالي عِشقْ غير البيدْ
أنا اللي فوق راسك تاج .. تفاخر به على الأعيان
رضيت أو ما رضيت القولْ .. أنا هَرْجي له التأكيد
ألا وشلون تذبحني .. وتتعذّر بزَلّ لسانوي
تناديني بإسم ثاني .. وتوطي العَبْد فوق السّيْد
تخيل وش شعورك يوم أنادي لك بإسم فلان
ألا ليتك تذوق اللي .. تجرّعته صباح العيد ..
تساويني مَعاهِنْ كيف ؟ بنات الهز والطيران
رفيقات الدلَعْ والطيش .. بلا دينٍ ولا توحيد
أنا عِشْق العمر كلّه .. بلا زودٍ ولا نقصان
أنا اللي إسمها نبضك .. ومنقوشٍ بكفّ الإيدْ
أنا من شفتها مرةّ .. وصرت العاشق الهيمان
أنا اللي تنتحَر لجُلي .. إلى منّي كِشفْت الجِيد
عسى ما شر .. وش صاير .. وش اللي غَيرّ الولهَان
وش اللي غيرّ النّجدي .. سليل المجد .. وإبن الصِّيْد
غَدا كِنَّهْ غريبٍ حيلْ .. أيا وجَدي على اللي كان
ألا يا مزبني يارب .. تِردّ اللي رجاه إبعيد
حبيبي وإنْ جرحتك يومْ .. تراه الغِّبن والخذلان
تلاعب لك بنات كْثار .. وتحسب لعبتك بتفيد
ترى ما كان ذا طَبْعك . . ولا ذي شيمة الفرسان
وحبك لي ترى مرفوض . . وخِذْها لهجة التهديد ؟
أنا أرفض شريكاتي . . ولا أقْبل معي إنسان ..
تفضَّل دور المتعة .. مدْامك عاشق التجديد ..
رَحَلْ نايف .. وعبدالله . وتركي . . وإرتحل سلطان
لأني يا رخيص الشوق . . رفضت الكِلْ بالتحديد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين