وإن كانها كذبة - ريم الرفاع

أرجوك تعتق خافقٍ موطنه فيك
يحيا معك ويموت .. لاقلت ما بيك

إعْتق خيالٍ يرسمك بالسما زْول
ينثر مع النجمات .. أحلام ماضيك

إعتق عيون مالها غيركم شْوف
لا سْلْهمْت للغيرْ .. غَصبٍ تلاقيك

وإعتق يَدينٍ تعتصر جمرة الشوقوي
ما ودَّها بالكون .. ما غْير أياديك؟

وإعتق شفايف وردها دونَهْ الشوك
ما يوصله مخلوق .. مملوك تمليك ..

وإعتق جدايل بحرها موج وهْموم
قَطَعتها من زود .. حسرة وتَشْكيك

وإعتق خدودٍ غارقة دم ودموع
ألْطُمْ عليها عاجزة عن تناسيك

وإعتق شعورٍ ما عَرفْ غيرك إشْعور
سنتين مَرّوا .. عاشقك .. ذايبٍ فيك

وإعتق رموشٍ كحلها بعدكم سال ..
وشلون أكحّلها وأنا دايم أبكيك ؟

وإعتق لي صوت لو يحاكي سواكم
يندَهْ لهم بإسمك .. ودّه يناجيك

أرجوك تعتقني .. وآخر كلامي
وإنْ كانها كذبة مابيك .. مابيك ؟

© 2024 - موقع الشعر