لطريق المر

لـ ريم _قطر، ، في غير مُحدد

لطريق المر - ريم _قطر

لك الله يا الطريق المر خذيت من العمر اضعاف
ولا به ما بقى يحمل شقاي وغربه ايامي

تحملتك ابي مره جحودك يسبقه انصاف
ويا ليت الهنا مره تحقق لو بالاحلامي

بدايه حلم واكملته حسبت ان القلوب نظاف
حسبت وما دريت الوقت مر ولا بعد دامي

رسمت احلى بداياتي وصورت الغرام اسراف
عن التعبير يعجز به لساني يا ملا سامي

وجاوزت المحبه يوم قلت ولا علي خلاف
انا بتبعه لو بكره عنيت وزادت الآمي

تخيلته معي اقرب ولا به ما بقى ينخاف
اماني والآمن يعني وجوده بآخر اعوامي

وهم عشته على غفله وشفت اللي ابد ما انشاف
خساره كيف ضاع اللي بنيته لحظه هيامي

ترى يكفي تعذبني يا وقت اخره ينعاف
وعساه ان كان لي ذنب فربي يغفر اثامي

© 2024 - موقع الشعر