ارجو عدم حذف القصيده

مثل الشبح يالفاتنه في حياتي
تاتين لي فجأة و فجأة تغيبين
راحت حياتي منك اهوجس واحاتي
مدري متاك تجين والا تروحين
اسمك علي لساني بلا قصد ياتي
قدام اهل بيتي من الحين للحين
ومن زود تأثيرك وأنا في صلاتي
مرات أشل الصوت بين المصلين
والمشكله يا سلوتي وامنياتي
في عشقي اللي ماادري شلون ومنين
لا قد سمعت الصوت لو هو مناتي
ولاقد لمحتك لو فقط لمح بالعين
عاشق خيالٍ ما اعرف له صفاتي
الا بطيفٍ في خيالي من سنين
رسمٍ رسمته من خيالي لذاتي
ملامحه عندي نقط بين قوسين
راحت ثمان سنين والزود آتي
وانتي على كيفك تروحين وتجين
مير اسمعيني وامعني في وصاتي
يمكن تلامس قلبك الصلب ويلين
ترى الهوا لا صار من قلب عاتي
وترى سوات الشخص في دنيته دين
وان كان حبك تسليه يا حياتي
ارجوك عن دنياي يابنت تقفين
 
الشاعر يوسف العضياني