يا سلام الله سلام ٍ عدد وبل الغمام
يالحضور وجعل الأفراح للسامع تدوم
و مرحبا ثم مرحبا بالمناعير الحشام
مرحبا عد الهبايب وتعداد النجوم
باسم نواف الصخى الوافي القرم الهمام
وباسم ابوه وباسم ربعه وعصبتهم عموم
عند ربعٍ للطّراقي يحطّون السنام
وفي المواقف كلبوهم صناديدٍ قروم
لابةٍ يوم المواجه يفكّون الجهام
ومن يجي في نحورهم حظ ربعه مايقوم
كم نهار قنّعوا عندها القوم العسام
وكم صبيٍ دونها خضّبوا منه السهوم
وان حصل للقوم كرب وهزيعه وانهزام
حوّلوا من دونهم والعلوم الها علوم
فعلهم مثبوت ماهوب هرج ولاحلام
وخشم من ينكر فعايلهم الندر مخزوم
هم بني قرفان ذخر الصناديد الكرام
يوم بعض الناس من طيّب الفعل محروم
من رجالٍ لازما الخصم واشتد الحزام
أطلق اشناب قبلاهم يخزّا و مهزوم
هم بني شيبان قومٍ تضيم ولا تضام
وقسمهم معروف دايم من خيارالقسوم
وربعي العتبان دايم فعايلهم جسام
لابةٍ تفشي الظماير لياحان اللزوم
لابةٍ تستاهل المدح في حرب وسلام
وهم هل المجد العريق وعذيّات السلوم
والقبايل كلهم كفو مافيهم كلام
و كلهم في قمة الطايلات الهم رسوم
ومرحبا باسم المعزب عدد وبل الغمام
و عد هباب الهبايب و تعداد النجوم
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.