ان ما مدحت معرب راسه يبين
ليا نصيته في لزوم ونخيته
والا طرقت الشعر في كامل الزين
أبرك من الي ما يفيد ان نصيته
مال الحمول الا ظهور البعارين
والا الضعيف دون دوبه بويته
كم واحدٍ يملك عقار و ملايين
ويمناه تقصر في اللزوم ان بغيته
دايم عيونه في الوطا بارد العين
وان جاه مدحه كنها مزدريته
ما ترتفع بالمدح روس المساكين
تبقى المقيته لو تبزرق مقيته
وانا نصيت اللي عليه البراهين
حر على صيته نصيته وجيته
مبارك اللي مدته تقضي الدين
ومن شد به عضده حياته بخيته
من بد شيخان الصخى والميامين
قصدت ابن مفلح وخص انتقيته
يوم أنه أرهى من عيال السلاطين
وأكرم من اللي مدته صك بيته
ما عنده ارجع لين اكلمك بعدين
في فزعته حاضر ليامن لقيته
يالكيرعاني جيت والوقت حادين
وانته ليا جاك المخيف إحتميته
وقفاتك أعرفها من سنين و سنين
شاهرك مجدٍ بالجزايل بنيته
بأفعالك تمثل جميع القحاطين
اللابه اللي طيبهم ما غويته
قومٍ على الفطره دواهي ووافين
ومبداهم الشامخ جذبك وبديته
ولا للحمول الا ظهور البعارين
والا الضعيف دون دوبه بويته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.