تقول آغار

تقول أغار ولو تدري بغلاها ما تقول أغار
محل الرّوح .لا والله .اعزّ كثييييير من هالرّوح

تعالي وافهق ِ ضْلوعي وشوفي كيف قلبي صار
ورب البيت لك شيّد من النّوت الخفوق صروح

تنفّستك مثل نهر ٍ طهور (ا) تنفّس الأزهار
بغرناطه جرى عذب وتنامى للطيور الدّوح

جبينك / فجر ٍ وصادق / أذان ينادي الأخيار
عيونك / تبتسم أطفال /تحييني وتموت جروح

على صدرك أنام هموم / وتصحى روعة الأسحار
وقلبك وحده الجمهور يصحالي وأجي له بوح

اشمّك لين تتراقص بصدري اغنية واوتار
على فيروز (حبّيتك ) تذوب آهات وينهت نوح

(بأيّام الشتاء) ندفى / علي شمع / وعليك النار
نجوع وناكل من التّوت / نشبع والدّلال تفوح

رويتك بالغلا غيمة روت من قلبها الأنهار
تردّ الشّمس تمزعني وأعوّد لك مطر مسفوح

هويتك مثل ما يهوى الشّهادة عابد ٍ كرار
أشوف الحور في وجه ٍ عليه مْن اليقين مسوح

أنا كلّي فدى قلب ٍ به الطّفلة (حمامة غار)
على جنحانها قلبي طويله بالغرام سْفوح

تعالي وافهقي ضلوعي / وشوفي كيف قلبي صار
قسم بالله لك شيّد من النّوت الخفوق صروح