التقييم
مبسمك وعيونك ومنطوقك الزين
تشبه بعد زود الضما صافي الميّ
في غيبتك لو شفت غيرك ملايين
عزّ الله ان الكون دونك ولا شيّ
حييت ياللي بيتك القلب والعين
عمّ الظلام بغيبتك وانته الضيّ
اشتقت لك والشوق شمس المحبين
الشوق شمس وطلّتك كنها الفيّ
حبّك زرعته في صميم الحشا لين
قامت بساتينه على راهي الريّ
مجراه مع دمّي بوسط الشرايين
مايخلتف مادام الايام هي هي
من وين ببدا فيك ولا انتهي وين
الله يخلي طلّتك يالغلا ليّ
والله لو اكتب بوصفك دواوين
ماظنتي يانور عيني تكفّيّ
ابختصر مافي ضميري ببيتين
يمكن تعبّر لك عن احساسي الحيّ
ياكثر مافوق البسيطه مزايين
لكنهم قدّام زولك ولا شيّ

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2018 - موقع الشعر