هقــوة الهــــآقي

يمرّ اليوم وأعمآر الأوآدم سَمرها مشبوب
جمرّ شوق ورماد الذكريات وعمري الباقي

هَشيمه هبّت رِياح الشمال وراسها مهبوب
وإذا هبّت قِصر عُمر الهشيم وقرّب إِفراقي

على جآلي دلال مبهره من حظّي المنكوب
وإلاَ قلت الامور تِزين زاد الحظ بإحراقي

زمان اليوم متغير أو إني عشت بالمقلوب
أو إني ماعرفت لوقتي وضاقت بي أخلاقي

أحب الناس وآحاول اصير بقلبهم محبوب
وأعيش اليوم وجروحي تموت بداخل أعماقي

وادآري بالخواطر والصدور اللي تضم قلوب
ولاترضى لو آقدم لها روحي ~ بمعلاقي

واسامح لكن المخطي عِجز عن زلته لايتوب
يعاملني على عكس الوفيْ في كذب وإنفاقي

مشيت بهالزمان ألي لو اني صرت به مغلوب
وآضيّع حقي لهالناس .. لامهتم .. أو شاقي

مشيت ولاعرفت أمشي/أضيّع بالطريق دروب
وإذا دربي وصل مفرق فرقت ..وضاع مفراقي

أنا إنسان راضي بالقدر واللي علي مكتوب
ولآكن نفسي العالم يجي ~ بإسلوبه الراقي

صدمني وقتي بناس ٍ كسو عذروبهم بالثوب
هقيت ..ومثل ماقالو ( يخيّب هقوت الهاقي )

صيامي كالسحاب الممطر ألي مايخلي ذنوب
وصلاتي عن هبوب الريح مذرآ ليّ وإرواقي

وأنا ودي .. أعدّل جونا .. وأغير الإسلوب
وأغرس العود وأغصانه تِمدّ وتنبت اوراقي

أغرسه بالمكان الي على درب السحاب ينوب
عسى الاحوال تتحسن بعد مايزيد بإغراقي

عسى الله يحيي العود اليبآس الطايح المشبوب
ويحمينا من شرور الزمن ~ والله لنا وآقي

#أسعد_السحيمي