الِّلي يِحِبِّكْ مُو خَسَارَه وتِشْتِريه ..

مِنْ يِحَدِّدْ وِشْ تَبِي عَمَّا تَبِيه
كِلِّ وَاحِدْ ولَه غَايِتَه تخْدِم هَواهْ

لَوْ تِقْتِرِبْ كِلٍّ مِشَى قَبْلِ انْ تِجِيه
مَابَيَّنُّوا لِكْ مَاتِحِّسَّه أو تَرَاهْ

مِرْتَاحِ مِنْ يَكْفِنْ شُعُورَه وبِيِدِيه
وانْ صَارِ أَوْ مَاصَارِ مَاتَفْرِقْ مَعَاهْ

لِيتِ الِّلي مَالَه بِالمِشَاعِرْ مَاتِعِيهْ
إِنْ خَيَّبِك حُبَّه تِشِيلَه مِنْ قِفَاهْ

لِيتِ الِّلي مَاضَحَّى لِعِينِكْ تِنتِهيه
إِنْ جَوَّعُوكَ الضِّيمْ مَاتَحْلِفْ وَرَاهْ

العَدْلِ فِي دِنْيَاكْ لو جَاء تِلْتِقِيه
لَوْ هَاجَرُوكِ الِّلي مَشُوا إِفْتَحْ غَطَاهْ

لاتْبُوحِ جَرْحِكْ مِثْلُهُمْ قِلْ مَاعَلِيه
لَو قَلِّ مافي خَاطِركْ خَيَّبْ رِجَاهْ

شَخْصٍ هِنَا لَوْ جَامَلِكْ حَيُّوا عِينِيه
وِشْ فَادِنَا كِثْرِ المِجَامَلْ مِنْ سِوَاهْ

الِّلي يِحِبِّكْ مُو خَسَارَه وتِشْتِريه
والاَّ المِعَاشَرْ ضَاعْ بِين امَّه وابَاهْ