تغريدات يوسف السناح

لـ يوسف السناح، ، في غير مُحدد، آخر تحديث

تغريدات يوسف السناح - يوسف السناح

‏لقيت من يسعى على الطيب ماطاب
مدري قرادة حظ والا طبيعه

‏ينشد عن الدوري وتتويج الابطال
نسى المحبه وانشغل بالملاعب

‏علموه ان المحبه بقلبي ماتبور
لو يبور الكفو ويسد بالماقف ردي

كيف ابنسى الحب واجهلك يانبض الشعور
والله انها مستحيله ولاهي في يدي

‏لامن كتبت ابدع وكثف جهودك
لاتشغل العالم وشعرك كما هو

ولاتكثر امداحك وتبكي جدودك
عطنا القصيد اللي معه ندخل بجو

‏لاتشتكي وتصير بالحيل حساس
شفنا على كثر الشقا ماشكينا

والناس مثل الوقت والوقت والناس
مره تجي معنا ومره علينا

‏هجر الحبيبه كنت احسبه سهالات
لين الزمن من قدم عيني خطفها

وفقدت وصل الحب وايقنت بثبات
العافيه من هو فقدها عرفها

‏الحاجه اللي تحد الناس للحاجه
كم واحدن حدته ولا توقعها

من يضمن الحظ والا الوقت واحراجه
مثل الذي يضمن ان الناس يقنعها

‏نعم على شانك كتبت الدواوين
وغيرك تمره مادرى عن سببها

واليا تبين شي عذري من الحين
افكار شاعر من خياله كتبها

‏قلبي كسرته مثل كسر الفناجيل
طفلن حذفها مثل حذف القواطي

شفني بعدك ابعد عن الناس بالحيل
بالوحده القا راحتي وانبساطي

‏كتبت لك بيتين واصبحت دكتور
تنقد على بيوت الشعر وتهضمها

ارفق على عمرك ولاتلف ودور
توك على بعض الفرص تغتنمها

‏ماغيره اللي يحس أن ضقت بوضاعي
الغالي اللي حداه الوقت عن خله

والله فقدته وزادت بعده اوجاعي
كان المداوي وكان الكل بعد الله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر