تغريدات - صالح العبدالله

الوقت في فرقاك يكتب حقايق
يثبت معاني غير كل المعاني
 
ان الثواني في غيابك دقايق
عكس الدقايق في وجودك ثواني
........................................
تعال خل نجرب الشوق للموت
تموت بي واموت بك ونرجع نموت
 
متوافقين ارواحنا داخل انسان
نفس المشاعر فرقنا بس بالصوت
.......................................
يا عين نامي ما عاد الليل يغريني
لاصار مالك ونيس ليه سهرانه
 
من يوم راح الحبيب اللي يسليني
لاالوقت وقتي ولالي في الزمن خانه
............................................
من تجربة واقع حياتي تعلمت
ان المجامل في العلاقه خسارة
 
راحت ثمان سنين ماقد تكلمت
عن جرح يسكن داخل القلب ناره
...........................................
اترك الاوجاع وايام العنا
ما يهزك غير تأنيب الضمير
 
الامين العام لجروحي انا
لا رئيس ولا وزير ولا مدير
...................................
تعال نغرد أنا وياك
خل المشاعر تحركنا
 
قلبين والملتقى أهواك
واحلى الاماكن أماكنا
 
سوالف الود في لقياك
كل المشاعر تشاركنا
................................
الغلا قلبي يبيه
وانتي حبي والحنين
 
وكان قلبك مايبيه
تعلمك بكرى السنين
 
لاتقول الله عليه
لكن أسمع كلمتين
 
هات لي مثلك شبيه
خل أحبه مرتين
...........................
الشوق مع زخات الامطار له شان
مشهد يشد النفس لاجل الكتابه
 
وانا كتبت أسمك مع الجو عنوان
وصرتي لجو النفس أجمل سحابه
..................................
سجلت أسمي ضمن أهل التغاريد
ماهو على شان الشعر والكتابه
 
لكن لاجل خاطرك ياسيد الغيد
يمكن مع الرتويت القى حسابه
....................................
ماهو دليل الزول بالعرض والطول
لاتغرك أشكال البشر يابو عايد
 
شفني ثمان سنين ماشي على قول
مال الشدايد غير ناس شدايد
......................................
ياعيال لا تجيبون طاريه تكفون
ذكره يحرك باقي الشوق فيني
 
انتم على قلبي وروحي تمونون
لكن ظروف الوقت ماهي بيديني
........................................
ياحلو مرقاد بعض النايمين
ياعسى نومه مراقيد الهنا
 
لو سألني وين مرقاد الحنين
قلت له في صدر محبوبك هنا
..................................
الشوق للدار احرقنا
غير مع الوقت احوالي
 
الولف والشوق ارهقنا
مانقدر نروح للغالي
 
والبعد لو طال ماضقنا
خيره من الله لو طالي
© 2024 - موقع الشعر