مقتطفات للشاعر يوسف السناح

ماهي غريبه في زمان الغرابه
ان العضيد اكبر عدو عند الاقراب

ودام القرابه صار فيها حرابه
وش الجديد ان قالوا اقراب واغراب

عشنا وكلن يشكي الهم والجور
والحب طيرن طير الوقت ريشه

والهجر ماهو حل والوصل محظور
سطرن يجسد واقع اللي نعيشه

الكفو يستاهل وللمدح برهان
والخلق تشهد بالفعل لامدحته

والا الردي نكبه ولو كان ماكان
اليا مدحته بالقصيده فضحته

يوم الاماني ماحسبت المقادير
تخلف خطاوي رحلتي عن سنعها

صغير واحلامي تفوق التصاوير
وكبرت واحلامي تصورت معها

يانفس دنيانا متاهات وذنوب
ومابعدها غير القبر يحترينا

ياكثر مانخطي مع الوقت ونتوب
والله يرحمنا ويستر علينا

نقض طعون الفراق الشاعر اللي طرق
الواقع اللي معاه الجرح ماله دوى

والتم غيم الحزن والخد منّه غرق
وجلست احذف الزقاير مثل حذف النوى

بعض المجامل مالنا فيه مصلوح
واللي قناه اليوم بكرا يبيعه

وستر الردا لو طول الوقت مفضوح
غير جبل ولاتغير طبيعه

حبل النشب لابد ربك يحله
والا الردا ماخص ناسن ولاعم

واللي ماقدرني وانا في محله
وش خانته لاقالوا انه ولد عم

الفاضي اللي يتبع القيل والقال
شبوا عليه مولعين الشراره

افلان حط وشال وافلان ماشال
راحت حياتي كلبوها خساره

في ذا الزمن لاصرت ماتملك المال
لو كنت ماهما كنت ماتعتبر شي

مقياس من ماضي وللحين مازال
متى على الله يدرك الميت الحي

صور مع المشهور وتصير مشهور
واحرص على وصله بكل الوسايل

واحذر يصيبك كبر ويصيبك غرور
والناس تلقى في بعضها دلايل

انتظرتك محتسي حروة لقاك
وطال ليلي من كثر شوقي عليك

وكان وقتك عن هوى قلبى خذاك
حن للي طول وقته محتريك

بعض البشر بالقوم يشره وينقد
واذا بغيته بالوفا مالقيته

ياكل من النعمه ويسهر ويرقد
ومشيخاً نفسه وهو وسط بيته

النقاش ان تطاول مايحقق نتيجه
والغشيم ان تقدم سب خاله وعمه

مير لو قام يكثر في زمانه ضجيجه
ماتجوز الصلاه اللي على غير يمه

من ظروفك مابقى بالامر خير
اصنع الفرصه وعجل لاتهاب

ردلي خلنا نعيش بجو غير
اغتنمها قبل ندفن بالتراب