مقتطفات الشاعر يوسف بن سليم 2 - يوسف السناح

الله على ثلاث لفن يافهد صوب القصيم
منفوق جمسن مايناظر للدروب الفايته 

والله لولا الجيش والنكبات والعهد القديم
اني ماوقف لين احط الرقم وسط امرايته 

&&////
///&&

يالجيش راح القايد الشهم سلطان
راح الزعيم اللي عليه الزعامه 

ماعاد لك يالجيش في خاطري شان
بودعك يالجيش ومع السلامه 

&&///
\\\\&&

بعض العرب ينساك لاغبت عنه
وان جيت قابلته ماكنه بناسيك 

&&//
\\\&& 

مايجوز ايسوء ظنك في حبيبك ياخساره
بعد كل اللي عطيتك تتهمني بالظليمه 

كيف بعد البيت يبنى نرجع ونعلن دماره
كيف بعد الفوز نرجع نشتكي جور الهزيمه 

يازماني كان قلبه ظالمن واعلن قراره
نعلن الفرقا وهجر الظالمين اكبر غنيمه 

///
\\\\

ياشيناها شيناه بعض الطرايق
عزالله ان اصحابنا مابهم خير 

اللي يحوص عن دروب الحقايق
مايدري ان العلم مابه معاذير

ويومن نار الحرب شبت حرايق
مابان بالشدات غير المناعير

© 2024 - موقع الشعر