قصيده كتبتها في الشاعر يوسف بن سليم

يايوسف اسمع هالابيات
اللي مخفي معانيها

الحرب خدعه ومعه غارات
والنار منهو يطفيها

لاجات الاولى والاخرى جات
امبينه من شواريها

المر دايم معه لذات
ومغطي المر حاليها

واليوم بانت لنا الشرهات
اللي حماها طمع فيها

واللي يطب البحر بسكات
بيكحل العين ويعميها

شمسين بانت نهاراً فات
في جلستاً مانخبيها

الشمس الاولى لها عادات
والثانيه سمها فيها

والحين انا جيت فالشدات
واجروح ربعي بداويها

حنى جماعه ولنا هامات
ونفساً ذليله نصفيها

ياصاحبي افهم الابيات
واكتب قصيده وعطنيها