العبد الفقير ..

لـ محمد جفال، ، في غير مصنف، 447، آخر تحديث

العبد الفقير .. - محمد جفال

الا سبحانه الي ماعنه خافي ولا محجوب
يعرف اسرارنا بين الضلوع العوج سبحانه

عظيم نلتجي به لاغدا وجه الزمن مشحوب
لياضقنا من الدنيا وقفناعند بيبانه

ونرفع له يدينا بالدعاء بالمشلح المقلوب
تكاثرنا الذنوب ونرتجي عفوه وغفرانه

الا يارب وانت الي عقل يوسف على يعقوب
ونجيته من الجبّ وظروف السجن واخوانه

انا عبدك وبن عبدك ولانعلم عن المكتوب
انا العبد الفقير الي حصيله قوة ايمانه

يبي يغلب هواه وصار بالدنيا هو المغلوب
ضعيف ماقدر يهزم هواه وعظمة لسانه

نصيتك ياوسيع الجود انا كلي خطا وذنوب
ابي عفوك ليا استوفى من الديان ديانه

وتهديني سبيل الرشد وتجنبني المكذوب
وتكفيني محابيل اللعين ابليس واعوانه

وجمّلني واجي في وقفتي بالمستوى المطلوب
ولا ترخص محمد في نظر ربعه وصدقانه

© 2023 - موقع الشعر