محاورة صوت الصافره

ضمن عواد السناني:
سلام يوم الذيب في وسط القليب

من يوم أنا ماوحيت صوت الصافره

أقول ياطلال لو وضعك عجيب

تبغى رياض المجد جنب القاهره
طلال سويعد العقيبي:

 يامرحبا ترحيبة(ن) لاوفى قربب
الطيب والمقدار كلن ثامره

ياضمن كلي فعل من فوقه رقيب
كانك فهمت العلم تعرف آخره

ضمن عواد السناني:

دام البقا ياذيب ياللي لك قنيب

لكني لا تاقف في وجه الباخره
أنا أعرف الدعوى رقيب(ن) مع حسيب

واحذر من الردار يرصد ساهره
طلال سويعد العقيبي:

 الدعوه ان الحق شمسه ماتغيب
والحر يوم هد جاب النادره

والا التوابع تتبع النفل الغريب
والعبد فتل قيده بيدي أمره

ضمن عواد السناني:
 
أنا أحسب إنك قبلها حر ونجيب


تأخذ من دروس السنين الغابره
واليوم خلك من شعيب إليا شعيب

لا تعترض درب الفحول الهادره
طلال سويعد العقيبي:

 لك عقل مايلبى وعينك ماتطيب
انت معلم للصفوف السافره

لك سيدي(ن) وانا لي صاحب(ن) صعيب
سيدك يبا الحق وانت تناصره

ضمن عواد السناني:
 
وين أنت يارجال فاليوم الصعيب

يوم القبايل كلها متناحره
والحمد لله مانصلي للصليب

ياللي تحسب الناس قوم(ن) كافره
طلال سويعد العقيبي:

 وصية الرحمن بالقول المجيب
والشرع شرع الله علامك تأسره

عدوك الماكر جعلته لك خطيب
يشرعك المعنى وغيك ناشره

ضمن عواد السناني:
في كلمة الرحمن مالك من نصيب

من قسوره حمرن يفرن نافره
والناس تطمع فيك في صبح ومغيب

وأنته تعود للشقيق تعافره
طلال سويعد العقيبي:

السوس ما ينخر غير الجذع الرطيب
ولا العروق الثابتة متوافره

الرزق رزق الله وكانك ما تنيب
كل الحصاد يروح وانته ناظره