حفل عبد المجيد العضياني

لـ رائد العالي، ، في المدح والافتخار، آخر تحديث

حفل عبد المجيد العضياني - رائد العالي

آمر وتبشر بعزك يالعضياني
انا حزام الرفيق ورهن مطلوبه

شرواك لامن دعاني جيت له عاني
مالي عذر لو اقصّر دون ماجوبه

سجل حضوري معك وحضور قيفاني
الشعر يادوب قافه زان يادوبه

وان كان ماقيل لي صح الله لساني
رميت شعري على آبو جد مندوبه

بسم كعام الحريب طوال الايماني
الوزع اللي عظيم المجد فازو به

يامرحبا ياهلا ترحيب شيخاني
ترحيبة في محل الطيب محسوبه

اعداد وبل الحيا من غر الامزاني
اللي على نجد ساق وركّز نصوبه

الله يحيي ضيوف الحفل من داني
ترحيبة بالشحم والطيب مصحوبه

في حلة للكرم والجود عنواني
حلة قرومٍ سنام العز عدو به

روسٍ تقادح سطر في كل ميداني
دلالهم تدّرج والنار مشبوبه

الاد وازع كفو من ماض الازماني
لاجاهم الضيف فزو له وفرحو به

ولاجاهم اللي شكا له نوب ويعاني
مايرجع الا بعد ماينقضي نوبه

سلايل الاد عاضي مزبن الجاني
سيوف الامجاد يوم العسر وحروبه

امدح واماري بكم يانسل جداني
والشعر في مدحكم يازين مكتوبه

واليوم محفل زفاف اللي لهم شاني
من شانهم جو له العالم وحضرو به

عبد المجيد ومعه سطام الاخواني
جعل السعد فالهم والعز دامو به

مبروك والله يوفقكم للاحساني
ويلهمكم الخير حيث يقدر دروبه

وختامها مرحبا ترحيب شيخاني
ترحيبة بالشحم والطيب مصحوبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر